Google ADS

OBRM-PDUKM fton Zaevin në zgjedhje të parakohshme kuvendare

12:44 | 4 Nëntor 2021
A. B.

Në konferencë për shtyp, Dragan Kovaçki nga OBRM-PDUKM thotë se Zaevi vendosi në krizë sistemore vendin si në energjetikë, shëndetësi dhe ekonomi”.

“Zaev dhe qeveria janë arsyeja për mossukseset që ndodhin këto vite dhe ata nuk mund të jenë zgjidhja. 7.000 qytetarë humbën jetën nga coronavirusi, kemi vdekshmërinë më të madhe në Evropë, 14 persona u dogjën, vaksina s’kemi pasur, mbi 60 mijë persona mbetën pa punë, 5.600 firma falimentuan, Maqedonia është në krye të listës për korrupsion sipas Transparency. Shteti po fundoset me LSDM-në”, tha Kovaçki.

Ai tha se populli të dielën u përcaktua për ndryshime dhe dha mbështetjen e madhe për OBRM-PDUKM-në dhe opozitën.

“Populli zgjodhi drejtim të ri dhe vullneti i tij pasqyrohet me përbërje të re kuvendare, me zgjedhje të parakohshme kuvendare dhe qeveri të udhëhequr nga OBRM-PDUKM”, tha Kovaçki.

Shpërndaje në rrjete sociale

Lajmet më të lexuara

Të ngjashme

Foto lajm